هي : هاي
هو : هاي
هي : انت لسه منقول هنا جديد ؟
هو : باين كده انا لسه مش مستوعب اللي بيجرالي
هي ( ضاحكه ) : كلنا في الاول كده عادي خالص
هو : اسنان حلوه هو حضرََتك او حضرتك هنا من امتي ؟
هي : من زماااااااااااااااااااااان
هو : ممكن اعرف حضرتك ست ولا راجل
هي ( مفتعله الغضب ) : ايه ده هو مش باين ؟
هو ( محرجا ) : اسف جدا بس مافضلش غير الاسنان وحته من الجمجمه هاعرف ازاي ؟
هي ( بكبرياء رافعه ماكان انفا في سالف الزمان عاليا ) : انت احتمال مايفضلش منك ولا حتي دول لو وصلت لسني في المكان ده
هو ( ثائرا ) : انا راجل وهافضل راجل حتي بعد الموت
هي ( ساخره ) : عشم ابليس في الجنه هو لو كانت رجولتك مهمه اوي كده كان ربنا ضيعها في التراب بعد اسابيع وحافظ علي اسنانك قرون ؟
0 comments:
Post a Comment